Hulagway kuha atol sa paghatag ug mensahe ni Mayor Nadya.

Turn-Over and Blessing Ceremony sa bag-ong Multipurpose Building and Barangay Health Station gipahigayon sa Barangay Casinglot, Tagoloan, Misamis Oriental, adlawng Lunes, Enero 29, 2024. 

Kini hilabing gikalipay sa tibook konseho sa Barangay Casinglot Council ubos sa pagdumala ni Kapitan Marlon Bolanio kauban ang Sangguniang Kabataan Council pinangulohan ni SK Chairman Kent Carlo R. Dinglasa mahitungod ang maong proyekto  maghatag gayod ug kaayohan sa katawhan hilabi na sa mga kabatan-onan. 

Sa maong kalihokan, makita ang presensiya ni Mayor Atty. Nadya B. Emano-Elipe kauban sila Kagawad Mikka “Mikki” Nabong-Sultan, Kagawad Roger “Kap” Achas, Kagawad Armando Pomar, Kagawad Chicque “Chic-Chic” Cosin-Co, Kagawad Karl Marx “Kim” Agustero, Kagawad Honey Analou Emano-Doña, Municipal Health Officer Dr. Jennifer Advincula, Father Robert Pajo nga nangulo sa maong seremonyas, ug mga personahe sa maong barangay. 

Sa kataposan, nanghinaot si Mayor Nadya kauban si 2nd District Representative of Misamis Oriental Congressman Bambi Emano nga ang maong proyekto paga-ampingan aron mulungtad pa ug magamit sa sunod na henerasyon.