Mayor Atty. Nadya B. Emano-Elipe kauban ang Rocksteddy Band.

Gipakita ni Mayor Atty. Nadya B. Emano-Elipe ang iyang dili matarug nga suporta alang sa mga local artist pinaagi sa pagpahigayon sa ikaduhang higayon sa Ta-Goal-One Music Fest sa iyang termino kauban ang inila nga banda sa nasud sa pilipinas nga Rocksteddy sa Barangay Upper Natumulan, Sitio Malaiba, Tagoloan, Misamis Oriental, adlawng Biyernes, Pebrero 2, 2024. 

Isip usa sa mabibo nga kalihokan sa 5th Cantago Festival, ang mga musikero sa lungsod sa Tagoloan ang nahimong sentro sa entablado, nga nagpadayag sa tumang kalipay samtang sila madasigon nga nag-jam uban sa Rocksteddy band. Ang ilang madasigon nga pasundayag nakakuha sa kusog nga pakpak ug pagdayeg gikan sa katawhan ug mga bisita nga nalingaw gayod sa maong kalihokan mahitungod ang susama niini nga mga aktibidades naghatag gayod sa usa ka dako nga opurtinidad  nga makita sa personal nga mukanta sa entablado ang ilang idolo. 

“Maraming-marami salamat dahil sinusuportahan ninyo ang Rocksteddy, ang OPM,di lang yung Rocksteddy pero yung OPM Industry.”, mensahe ni Mr. Teddy Corpuz kay Mayor Nadya. 

Sigon pa ni Board Member Mary Kate Temple nga Chairman sa Ta-Goal-One Music Fest nga dili kini mamahimong magmalampuson ug posible kong wala ang pagtinabangay ug pagsuporta sa tanang comittee members. 

“Thank you kaayo guys for helping and to make this event possible.” – Board Member Mary Kate V. Temple, 2024

Sa kataposan, ang walay puas nga pagsuporta ni Mayor Nadya kauban sa Sangguniang Bayan Members pinangulohan ni Vice Mayor Robinson Sabio, Congressman Bambi Emano sa segundo distrito sa lalawigan sa Misamis Oriental ug Cagayan De Oro City Councilor Yvy Emano nagsilbi nga testamento sa ilang kanunay nga paghatag ug kalipay sa katawhan ug paghatag sa tiunay nga pagserbisyo.